ഗാസയിലെ ഇസ്രയേൽ വ്യോമാക്രമണം; ഹമാസ് സൈനിക വിംഗ് വക്താവ് അബു ഉബൈദ കൊല്ലപ്പെട്ടു

ഹമാസ് ഇത് വരെ സ്ഥിരീകരിച്ചിട്ടില്ല

ഗാസ സിറ്റി: ഹമാസ് സൈനിക വിഭാഗമായ ഇസ്ഉദ് ദീൻ അൽ ഖസ്സാം ബ്രിഗേഡിന്റെ ദീർഘകാല വക്താവ് അബു ഉബൈദയെ ഇസ്രയേൽ വ്യോമാക്രമണത്തിൽ കൊല്ലപ്പെട്ടതായി ഇസ്രയേൽ അധികൃതർ സ്ഥിരീകരിച്ചു. ഗാസാ നഗരത്തിലെ റിമാൽ പ്രദേശത്തെ ഒരു അപ്പാർട്ട്മെന്റിലേക്കാണ് ആഗസ്റ്റ് 30-ന് വ്യോമാക്രമണം നടത്തിയത്. ആക്രമണത്തിൽ അബു ഉബൈദയോടൊപ്പം മറ്റ് പലരും കൊല്ലപ്പെട്ടതായി റിപ്പോർട്ടുകളുണ്ട്.

ഇസ്രയേൽ പ്രതിരോധമന്ത്രി ഇസ്രയേൽ കാത്സും പ്രധാനമന്ത്രി ബെഞ്ചമിൻ നെതന്യാഹുവും അബു ഉബൈദയുടെ മരണം സ്ഥിരീകരിച്ചു. “ഹമാസിന്റെ പ്രധാന ശബ്ദം അവസാനിപ്പിക്കപ്പെട്ടിട്ടുണ്ട്. ഇത് ഇസ്രയേലിന്റെ സുരക്ഷയ്ക്കുള്ള വലിയ മുന്നേറ്റമാണ്” എന്ന് നെതന്യാഹു പ്രസ്താവിച്ചു.

അബു ഉബൈദ ഹമാസിന്റെ സൈനിക പ്രവർത്തനങ്ങളെയും ആക്രമണങ്ങളെയും കുറിച്ചുള്ള പ്രഖ്യാപനങ്ങൾ വർഷങ്ങളായി മുഖം മറച്ചുകൊണ്ട് നടത്തി വരികയായിരുന്നു. ഗാസയിൽ തുടരുന്ന യുദ്ധത്തിന്റെ പശ്ചാത്തലത്തിൽ ഇസ്രയേൽ നടത്തിയ ഈ ലക്ഷ്യബദ്ധമായ ആക്രമണം വലിയ പ്രാധാന്യമുള്ള സംഭവമായി കണക്കാക്കപ്പെടുന്നു.