ഏഷ്യാ കപ്പ് 2025: കിരീടം നിലനിർത്താൻ ഇന്ത്യ ഇന്ന് ഇറങ്ങുന്നു.

September 10, 2025 news@keralatoday.info

ആതിഥേയരായ യുഎഇയാണ് ആദ്യ എതിരാളികൾ.

ദുബായ്: ട്വന്റി20 ഏഷ്യാ കപ്പ് ക്രിക്കറ്റ് ടൂർണമെന്റിലെ തങ്ങളുടെ ആദ്യ മത്സരത്തിന് ഇന്ത്യൻ ടീം ഇന്ന് ഇറങ്ങുന്നു. ആതിഥേയരായ യുഎഇയാണ് ഇന്ത്യയുടെ ആദ്യ എതിരാളികൾ. ദുബായ് അന്താരാഷ്ട്ര ക്രിക്കറ്റ് സ്റ്റേഡിയത്തിൽ ഇന്ത്യൻ സമയം രാത്രി 7:30-നാണ് മത്സരം.

വിരാട് കോഹ്ലി, രോഹിത് ശർമ്മ തുടങ്ങിയ സീനിയർ താരങ്ങൾ ഇല്ലാതെയാണ് ഇന്ത്യ ഇത്തവണ ഏഷ്യാ കപ്പിന് ഇറങ്ങുന്നത്. യുവതാരങ്ങൾക്ക് അവസരം നൽകിക്കൊണ്ട് സൂര്യകുമാർ യാദവിന്റെ ക്യാപ്റ്റൻസിയിലാണ് ഇന്ത്യൻ ടീം. സമീപകാലത്ത് മികച്ച പ്രകടനം കാഴ്ചവെച്ച യുവതാരങ്ങൾക്ക് തങ്ങളുടെ കഴിവ് തെളിയിക്കാനുള്ള വലിയൊരു വേദിയാണിത്. ലോകകപ്പിന് മുന്നോടിയായി ടീമിന്റെ ശക്തിയും ദൗർബല്യങ്ങളും മനസ്സിലാക്കാൻ ഈ ടൂർണമെന്റ് നിർണായകമാകും.

അതേസമയം, യുഎഇയെ സംബന്ധിച്ചിടത്തോളം സ്വന്തം മണ്ണിൽ ഇന്ത്യയെപ്പോലൊരു വമ്പൻ ടീമിനെ നേരിടുന്നത് വലിയ വെല്ലുവിളിയാണ്. മുഹമ്മദ് വസീമിന്റെ നേതൃത്വത്തിലുള്ള യുഎഇ ടീം ഇന്ത്യക്കെതിരെ മികച്ച പ്രകടനം കാഴ്ചവെക്കാൻ ശ്രമിക്കും. ഇരുടീമുകളും ഗ്രൂപ്പ് എ-യിലാണ്. ഇന്ത്യയുടെ അടുത്ത മത്സരം സെപ്റ്റംബർ 14-ന് ചിരവൈരികളായ പാകിസ്താനെതിരെയാണ്. ഈ ടൂർണമെന്റിൽ ഇന്ത്യക്ക് വിജയിക്കാൻ കഴിഞ്ഞാൽ, അത് യുവതാരങ്ങളുടെ ആത്മവിശ്വാസം വർദ്ധിപ്പിക്കുകയും വരാനിരിക്കുന്ന ലോകകപ്പിന് മികച്ച മുന്നൊരുക്കമായി മാറുകയും ചെയ്യും.

മുതിർന്ന താരങ്ങളായ രോഹിത് ശർമ്മയും വിരാട് കോലിയും ഇല്ലാത്തതിനാൽ യുവതാരങ്ങൾക്ക് അവസരം നൽകിക്കൊണ്ടാണ് ഇത്തവണത്തെ ഇന്ത്യൻ ടീം ഇറങ്ങുന്നത്. സൂര്യകുമാർ യാദവിന്റെ നേതൃത്വത്തിലുള്ള ടീമിൽ മലയാളി താരം സഞ്ജു സാംസൺ ഉണ്ടാകുമോ എന്ന ആകാംഷയിലായിരുന്നു ആരാധകർ. എന്നാൽ, ടൈംസ് ഓഫ് ഇന്ത്യ റിപ്പോർട്ട് അനുസരിച്ച്, സഞ്ജു സാംസൺ പ്ലെയിങ് ഇലവനിൽ ഉണ്ടാകാൻ സാധ്യതയില്ല. പകരം ജിതേഷ് ശർമ്മ വിക്കറ്റ് കീപ്പറായി കളിക്കുമെന്നാണ് സൂചന.

അടുത്തിടെയായി മികച്ച ഫോമിലുള്ള സഞ്ജുവിന് അവസരം നിഷേധിക്കുന്നത് ആരാധകർക്ക് നിരാശയുണ്ടാക്കിയേക്കാം. എന്നാൽ, ജിതേഷ് ശർമ്മ ഫിനിഷറുടെ റോളിൽ കൂടുതൽ അനുയോജ്യനാണെന്ന് ടീം മാനേജ്മെന്റ് കരുതുന്നു.

ഓപ്പണിങ്ങിൽ വൈസ് ക്യാപ്റ്റൻ ശുഭ്മാൻ ഗില്ലും അഭിഷേക് ശർമ്മയും ആയിരിക്കും ഇറങ്ങുക. മൂന്നാം നമ്പറിൽ യുവതാരം തിലക് വർമ്മ കളിക്കും. ക്യാപ്റ്റൻ സൂര്യകുമാർ യാദവ് നാലാം നമ്പറിൽ ഇറങ്ങും. ഹാർദിക് പാണ്ഡ്യ, അക്ഷർ പട്ടേൽ, റിങ്കു സിങ് എന്നിവർ മധ്യനിരയിൽ കളിച്ച് ടീമിന് കരുത്ത് പകരും. സ്പിൻ ആക്രമണം വരുൺ ചക്രവർത്തിയും കുൽദീപ് യാദവും നയിക്കുമെന്നാണ് പ്രതീക്ഷ. പേസ് ബൗളിംഗ് വിഭാഗത്തിൽ ജസ്പ്രീത് ബുംറ, അർഷ്ദീപ് സിങ് എന്നിവർ സ്ഥാനം ഉറപ്പിച്ചേക്കും.

ഇന്ത്യയുടെ സാധ്യത ഇലവൻ: