ബംഗളൂരു വിരുദ്ധ പരാമര്‍ശ വിവാദം; ഖേദം പ്രകടിപ്പിച്ച് ‘ലോക’ ടീം
ബംഗളൂരുവിനെയും കർണാടകക്കാരെയും അധിക്ഷേപിക്കുന്ന തരത്തിൽ ഒരു സംഭാഷണം ഉൾപ്പെട്ടതിൽ ഖേദം പ്രകടിപ്പിച്ച് ‘ലോക’ സിനിമയുടെ നിർമ്മാതാക്കൾ. ചിത്രത്തിലെ ഒരു കഥാപാത്രം ഉപയോഗിച്ച് സംഭാഷണം ബംഗളൂരു നഗരത്തെയും കർണാടകക്കാരെയും അപമാനിക്കുന്ന തരത്തിലുള്ളതാണെന്ന് സാമൂഹ്യമാധ്യമങ്ങളിൽ വ്യാപകമായ വിമർശനം ഉയർന്നിരുന്നു.
പ്രേക്ഷകരുടെ പ്രതികരണങ്ങൾ തുടർന്ന് സിനിമയുടെ നിർമ്മാതാവും നായകനുമായ ദുൽഖർ സൽമാനും ഖേദം പ്രകടിപ്പിച്ചു. സംഭാഷണത്തിൽ ഉണ്ടായ വാക്കുകൾ ആരെയും അപമാനിക്കാൻ ഉദ്ദേശിച്ചത് അല്ലെന്നും അബദ്ധവശാൽ ഉൾപ്പെട്ടതാണെന്നും അദ്ദേഹം വ്യക്തമാക്കി. ചിത്രത്തിൽ നിന്നും പ്രസ്തുത സംഭാഷണം ഉടൻ തന്നെ തിരുത്തുമെന്നും നിർമ്മാതാക്കൾ അറിയിച്ചു.
വിവാദങ്ങൾക്കിടയിലും സിനിമക്ക് മികച്ച പ്രതികരണമാണ് ലഭിക്കുന്നത്. സിനിമയുടെ സാങ്കേതിക മികവും അവതരണ ശൈലിയും അഭിനേതാക്കളുടെ പ്രകടനങ്ങളും ഏറെ പ്രശംസകൾ നേടിയിട്ടുണ്ട്. ഭാഷാപരമായും പ്രാദേശികമായും വിവാദങ്ങൾ ഉണ്ടാക്കുന്ന സംഭാഷണങ്ങൾ ഒഴിവാക്കുന്നത് ഭാവിയിലെ ചിത്രങ്ങൾക്ക് നിർണായകമാണെന്നാണ് ചർച്ചകളിൽ വിലയിരുത്തൽ.
