പാലക്കാട് ഉപതെരഞ്ഞെടുപ്പ്: അവധി ഈ പ്രദേശങ്ങളിൽ മാത്രം, അവധി വാർത്തയിൽ തിരുത്തുമായി കളക്ടർ
Palakkad By Election Holiday 2024: പാലക്കാട് മണ്ഡലത്തിലെ ഉപതെരഞ്ഞെടുപ്പ് നടക്കുന്ന നവംബർ ഇരുപതാം തീയതി ജില്ലയിലെ എല്ലാ സ്‌കൂളുകൾക്കും, സർക്കാർ സ്ഥാപനങ്ങൾക്കും അവധി നൽകിക്കൊണ്ട് തെരഞ്ഞെടുപ്പ് കമ്മീഷൻ ഉത്തരവിറക്കിയതായി 12.11.2024 ൽ ചില പത്രങ്ങൾ വാർത്ത പ്രസിദ്ധീകരിച്ചിരുന്നുവെന്ന് ജില്ലാ കളക്ടർ ഫേസ്ബുക്കിലൂടെ പറഞ്ഞു.
പാലക്കാട്: പാലക്കാട് മണ്ഡലത്തിലെ ഉപതെരഞ്ഞെടുപ്പ് തീയതിയുമായി ബന്ധപ്പെട്ട അവധി വാർത്തയിൽ തിരുത്തുമായി കളക്ടർ.
ഉപതെരഞ്ഞെടുപ്പ് നടക്കുന്ന 056 പാലക്കാട് നിയമസഭാ നിയോജക മണ്ഡലത്തിന്റെ പരിധിയിലുള്ള വിദ്യാഭ്യാസ സ്ഥാപനങ്ങൾക്കും സർക്കാർ ഓഫീസുകൾക്കും മാത്രമാണ് നവംബർ 20ന് അവധി പ്രഖ്യാപിച്ചുകൊണ്ട് പൊതുഭരണ വകുപ്പ് ഉത്തരവിറക്കിയിരിക്കുന്നതെന്ന് ജില്ലാ കളക്ടർ അറിയിച്ചു.
പാലക്കാട് മണ്ഡലത്തിലെ ഉപതെരഞ്ഞെടുപ്പ് നടക്കുന്ന നവംബർ ഇരുപതാം തീയതി ജില്ലയിലെ എല്ലാ സ്‌കൂളുകൾക്കും, സർക്കാർ സ്ഥാപനങ്ങൾക്കും അവധി നൽകിക്കൊണ്ട് തെരഞ്ഞെടുപ്പ് കമ്മീഷൻ ഉത്തരവിറക്കിയതായി ചില പത്രങ്ങൾ വാർത്ത പ്രസിദ്ധീകരിച്ചിരുന്നുവെന്ന് കളക്ടർ പറഞ്ഞു. ഈ വാർത്തയിലാണ് കളക്ടർ ഇപ്പോൾ തിരുത്ത് നൽകിയിരിക്കുന്നത്.
